ACTIVIDAES CON MOTIVU DE LOS GÜEVOS PINTOS

 Nel nuestro conceyu, Sieru, tenemos una fiesta d’interés turísticu nacional que toos conocemos, LOS GÜEVOS PINTOS.
         Con esti motivu tolos años, desde’l colexu, decoramos el güevu pal concursu(teníamoslu ya casi casi fechu). 
        Como esti añu nun vamos poder cellebralu, esti ye’l nuestro pequeñu homenaxe a una fiesta perimportante pal conceyu.
       Si cliques na semeya del güevu podrás iguar el rompecabeces y averiguar que güevu ye'l qu’apez. ¿Atréveste?

                 Vos dexo un resumen curtiu de lo que ye esta fiesta tradicional d’Asturies:

Equí vos dexo dalgunes cosadielles

¿qué cosa cosadiella ye?

Los mios padres cantores son

aunque yo nun soi cantor,

tengo les ropes blanques y

y mariellu’l corazón.

COSADIELLES

¿qué cosa cosadiella ye?

Una caxita chiquita

ye blanca como la cal,

toos la saben abrir

y nadie la sabe pesllar.

COSADIELLES

¿qué cosa cosadiella ye?

Ye blancu y la pita lu pón

Fríese na sartén 

y cómese con pan, ¿qué ye?

Vos dexo algún güevu pa que lu colloreéis. 

Esta ye una manualidá bien prestosa y perfácil.