¿Te apetez escuchar un cuentu? Clica nel corcupín

En relación col PLEI del centru  elaboramos un rincón de llectura, dende l'asignatura de Llingua Asturiana: “UN CULETE DE LLECTURA”.

 Esta activiá consiste en que los escolinos decoren un vasu de plásticu y dientro d'él introducen un papel nel qu’escribieron un fragmentu  lliteral d'un llibru que-yos prestó, una cosadiella, un refrán, poesía…d'esta manera puen escoyer el vasu que quieran y lleer el so conteníu.

 Actividá motivadora por munches razones:

    - Tien que decorar el vasu(antroxamos el vaso, yera per antroxu), esa parte de manualidá  gusta-yos y esfruten personalizando el so vasu. 

    - La llectura qu'allí introducen ye curtia, polo tanto resulta-yos perfácil de lleer. Nell casu de les cosadielles, amás de lleer, ye un xuegu d'inxeniu, ye atractivu.

    -Los refranes, son curtios , de fácil llectura y son una estratexa 

d'enseñanza significativa d'algunos conteníos.

Asina entamamos el nuestro riconín de lectura.

Pa finar el trimestre colos escolinos de sextu grabamos un vídeo, ellos ficieron el muralón "TuristeAndo per Asturies” y un "abecegrama “ de razones pa visitar Asturies.
¡Qué mural tan prestosu !

               Güei, 14 de marzu, ficimos una actividá bien prestosa. Visitamos el centru d’interpretación del horru, en Bueñu.

Primeru escuchamos a la monitora, explicónos la etimoloxía de la pallabra horru. Deprendimos que significa “graneru en altu”. Qu’Asturies ye privilexada pola cantidá d’horros que tien, a pesar de la pequeña que ye. Díxónos qu’hai horros hasta en Xapón.

Llegó la hora de xintar  y reponer fuercies, dempués tendríemos que trabayar duro.

Portáronse xenial.

Coles fuercies repuestes entamamos a construir un horru, ficieronlu perbién.

Amenazónos l’orbayu, pero el sol puxó más y...salió pa poder dir al pueblu.

La construcción foi perfecta, María demostrólu, nun se caíen les colondres...

Los llavaderos, onde diven les mujeres a llavar la ropa.

La visita per  Bueñu foi espectacular: casa-horru,casa-horru, casa-horru...

                                Esti añu la salida complementaria de Llingua Asturiana foi al Núcleu Zoolóxicu          
  d’Uviéu. Pasámoslo perbién, vimos munchos animales: esguiles, curuxes, culiebres, llinces, cacatues, monos, xaronques...
                             Amás el tiempo fizo un paréntesis colo malo que taba los díes enantes de dir. Asina que nun llovió y tuvo soleyeru, prestónos muncho. Los monitores contáronos munches anécdotes alrodiu de los animales. ¡¡Vamos volver de xuru!!

Xintando’l aperitivu,¡qué soleyeru!

Álvaro soprendiónos,  sabía bayura d’animales.