L'Anguleru

Como nun podía faltar en llegando estes feches L’Anguleru llegó al nuestro colexu,  déxanos siempre daqué llabionada,

Doña Seronda.

            Los neños de quintu allegraron el pasiellu dando vida a les fueyes de la Seronda, la so imaginación  esnaló, esnaló... y mirai que prestosu quedó-yos el mural “Les fueyes animáes”.
            Cada fueya tien el so nome...quizás nun lo podáis lleer pero son perorixinales. Trabayamos les emocines.

L’amagüestu

                  Cola llegada de Doña Seronda, preparamos nel colexu L'amagüestu. Ficimos bayura de actividaes: taller de quesos, taller de mitoloxía asturiana, decoramos la nuestra "fotocole", comimos les nuestres castañines con zumu de manzana y pa finar , nun podía faltar la nuestra Danza Prima.
                 Damos les gracies  a la hermana de Ambás y al so colaborador que flicieron posible’l taller de quesos l’afuega’l pitu que tanto nos prestó. Xintamos quesu que nosotros mesmos elaboramos.
GRACIES.